دوللي شاهين تدعم المطرب رامي جمال بعد إعلانه إصابته بـ”البهاق”

كتبت-مروة حسن

لم تمر سوى ساعات قليلة على إعلان الفنان رامي جمال عن مرضه بالبهاق، لترسل له الفنانة اللبنانية دوللي شاهين أول رسالة دعم له.

ونشرت دوللي شاهين عبر حسابها الشخصي علي موقع التواصل الإجتماعي ”فيس بوك“ صور لعارضة الأزياء العالميةWinnieharlow كما نشرت تدوينة المطرب رامي جمال الذي أعلن فيها بمرض ”البهاق “ وأكدت أن عارضة الأزياء العالمية مصابة بنفس المرض وطلبت من رامي عدم الإنسحاب من الوسط الفني
وعلقت دوللي قائلة:
Winnieharlowأشهر عارضة ازياء فالعالم عندها مرض البهاق ولا حدا بخاف منها ولا بيهربوا منها ولا بيعايروها بيه وان شكلها غريب. ده مرض مش معدي يا ريت الناس تفهم ده واللي بيفهم يفهم اللي ما بيفهمش. Ramygamal مش محتاج ولا تغير المهنة ولا تفكر ازاي تخفي وتغير شكلك، احنا اللي لازم نتعامل مع اي حاجة مختلفة مهما كان نوع الاختلاف ده بطبيعية وحب واحترام… ربنا يوفقك


وكان رامي جمال كتب عبر حسابه الخاص على فيس بوك، إيضاحا حول حالته الصحية قائلًا: “الحمد لله الذي أحبني ‏فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، وجربت ‏انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية ‏شغلانتي وصعوبتها والقلق الدائم من المستقبل”.‏

تابع: “وفعلا بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم ‏واللي يسألني هو ده معدي، أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها ‏لدرجة خلت ناس تقول لي شوف بيزنس تاني أعمله علشان الناس مش هتقبلك كده”.‏

أضاف رامي جمال: “فكرت في كلامهم بصراحة ولقيت إن عندي حلين يا فعلا شكرا لحد كده على الشغلانة ‏دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي بنا ابتلاهم بيه ‏من نظرة إن شكله غريب الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت ‏عليكم بس قولت أشرككم في حياة فنان”‏

blank

شاهد أيضاً

blank

دوللي شاهين تنتهي من تسجيل أغنية “ست البنات” صور…

دوللي شاهين تنتهي من تسجيل أغنية “ست البنات” صور… انتهت الفنانة اللبنانية دوللي شاهين من …