اخبار عاجلة
الرئيسية / منوعات / نجوى سالم تكتب : بنت شهيد ٦أكتوبر قررت عدم البكاء

نجوى سالم تكتب : بنت شهيد ٦أكتوبر قررت عدم البكاء

مرت علي حرب أكتوبر المجيد كل هذه الأحداث والسنوات والشهور والايام والساعات كلما تذكرت والدي اجهش بالبكاء ولانني مر بي أكثر من 40سنه اجهش بالبكاء مذ علمت إستشهاد والدي وأنا في عمر السنوات الست كنت في الصف الأول الابتدائي كنت في انتظار طلت أبي وحنو كفيه على وجهي وضمي الي صدره كنت أنتظره ليأتيني بأشيائي الصغيرة وان يوصلني الي المدرسة كعادته … وكان نفسي يوديني اول يوم …زي باقي الأولاد… وكنت اشوف كل واحد في ايد ابوه… كنت بشوفهم واقفين هناك عند حوض الورد وأنا كنت ببقي واقفه لوحدي بعيد في الحوش من ساعتها وانا حاسه بغربه ووحدة…. ماتتصوروش الحرمان والحسرة كانت اد ايه كان نفسي أشوفه احس بيه احس بحضنه بنفسه وحنانه ….ولما بقيت في الصف الخامس الابتدائي كنت بحلم ان ابويا رجع من الأثر …وزملائي بيهنوني وانا فرحانة وبقول بابا رجع… وصحابي بيقولي جابلك أ ية بقولهم لعب وهدايا…. بس اصحي ألاقي دا حلم وكل يوم بشوف نفس الحلم…. وفاتت سنين كتير…. وانا فاكره في احتفالات 6اكتوبر وهدى سلطان بتقول رجع الحمام الحلو للبنيه… وكانت بتكون حاطة ايدها علي كتف جندي كنت بقول ليه دا مش ابويا… اشمعنا ابويا مرجعش ليه
40سنة فاتو بس انا قررت السنة دي ال46اني مبكيش… ولا اتفرج علي التلفاز…
لحد ما جالي دعوة لمؤتمر شرم الشيخ… وحطيط رجلي علي ارض سيناء كنت عيزا انزل.. ابوس التراب.. تراب الارض اللي ابي داس عليها.. كنت حاسه بروحه حواليه في المكان… بس بردة لقتني لسه بزعل عشانه ولسه محتجالة…
حزن طفلة لسه في اولي ابتدائي

 

شاهد أيضاً

إنجى على تقدم اليوم حلقه خاصة عن ذكرى أكتوبر العظيم فى برنامج أسرار النجوم 

مشاركة على الفيسبوك نشر على تويتر     كتبت _ مروة حسن تقدم الإعلامية والمذيعة …